Sorry, you need to enable JavaScript to visit this website.
Skip to main content

Pijin

Subtitle
Solomon Islands

Geting redi

Bi konekted an kip lening

Lo ota kaming manis eli lening sevises, skuls an samfala kaen skuls blo iumi bae nid fo waka difren fo priventim nao spred blo COVID-19. Mein tinting bihaen lo disfala websaet hem fo sapotim pearens, familis an skuls mekem pikininis an iang pipol save kontiniu fo len from hom.

Bing pripead bae hem helpem evriwan fo stei konekted an gohet fo len.

Eli lening sevises, skuls an samfala kaen skuls bae mekem plans fo pikininis blo iu fo kontiniu len from hom. Sapos iu garem kuestens abaotim lening blo pikininis blo iu, plis kontaktim tisas blo pikininis blo iu fastaem.

Iu save kontaktim tu lokol Ministri blo Edukeisen rijonol ofis blo iu.

Lokol Ministri ofises

Geting redi fo lening from hom

Advaes blo paerens an familis

Geting redi fo lening from hom – advaes fo paerens an familis

Diskaen len fro home bae hem save bringim wari lo iu and famili blo iu. Tok wetem pikinini an iang pipol abaotim wat nao disfala samting ia hem minimfo ota stei intach wetem pikinini tisa an skul, stap olsem pikinini sentad, an avoedim wari wari tumas. Tisa blo pikinini blo iu bae hem garem plan fo len lo hom – bae iu no expektim fo riplesim tisa.

Disfala infomeisen bae hem helpem iu fo plan fo pikinini blo iu fo len from hom. Bae hem helpem iu an famili blo iu fo stap konekted, kip lening, an havem fan.

Mek sua noma iu mas kipim nao impotent kontakt nambas, olsem namba blo pikininis eli lening sevises, skulo samfala kaen skul ia kolsap, an chekim tisas sapos ota garem ap tu deit kontakt diteils blo iu.

Sapos iu garem konsens o nidim eni gaedens o sapot, plis ridim nao infomeisen lo Welbing sekson o ringim lokol Sitizen’s advaes Biuro an Wok an Inkam.

Sitizen’s Advaes Biuro websaet

Wok an Inkam websaet

Taem iu pripea fo pikinini blo iu fo len from hom:

  • tok wetem pikinini blo iu, listen lo aedias blo ota abaot hao nao bae ota laek fo len an adresim eni sens blo wari olsem iu save
  • agri rols an risponsibilitis wetem famili an frens
  • olsem mas tingim tu hu nao bae lo big fala risk lo ilnes
  • hu nao bae waka?
  • hu nao bae stei lo hom wetem pikinin/s an sapotim lening blo oloketa?
  • hu els nao bae iu save searem risponsiliti wetem?

Geting redi fo dijitol lening

Minitri blo Edukeisen hem waka fo mek sua staka famili nao mas konekted an garem divaes fo iusim.Mifala enkarejim iu fo totok wetem eli lening senta o skul fo letem ota save olsem iu:

  • garem divaes fo dijitol lening lo hom
  • garem intanet konekson an data pakej dat bae hem letem iu daonlodim lening aktivitis an risoses
  • save hao fo link ap wetem sentas blo iu o skuls sistim
  • save hao nao fo iusim programs tisa blo pikinis blo iu bae iusim.

Sapos iu garem kompiuta o divaes pikinini blo iu save iusim, hem ia nao samfala tinting fo mek sua hem set ap fo lening.

  • Tok wetem pikini blo iuabaotim seif onlaen. Sapos iu nidim moa infomeisen, iu save kolem neseif lo 0508 638 723 o visitim Netseif websaet.
  • Askem pikinini blo iu o iang peson fo waka lo ples wea iu save chek wea ota save go onlaen.
  • Trae fo avoedim daerekt lukluk o rifleksons lo skrin.

Sapos iu no save abaot enting lo ota samting ia, plis letem skul o senta save. Nogut nao bae iu laek askem samfala memba, neiba o fren fo help tu.

Sapos iu save lo samfala pearens o familis wea ota bae garem semsem sitiuesen, plis enkarejim oloketa fo tok wetem eli lening senta o skul.

Sapoting lening

Infomeisen fo pearens an wantoks

Lening from hom

Lening hapen ol dei long, lo hom an aotsaed lo hom, tu. Evriting iu duim lo hom hem wanfala chans fo moa lening. Sapos hom langus hem difren langus from Inglis, iusim dat fala langus wetem pikinini blo iu.

Taem holide hem finis iu save waka wetem pikinini blo iu lo pikininis skul o eli lening sevis fo sapotim pikinini blo iu an iang pipol fo gohet kipim lening. I no tisa noma save duim iu save duim tu. Iu nao ki helpa.

Tisas blo pikininis blo iu bae gohet kontakt wetem iu. Sapos iu no garem intanet bae ota stil garem kontakt wetem iu. Evri tisa waka fo mek sua evri lena bae mas garem plan fo lane lo hom. Iu no nid fo wari abaot tingting dat iu nao wan fala tisa. An iu save iusim hom langus blo iu fo tok abaotim aktivitis wea tisa hem provaedim an aktiviti hem save komplited lo Englis.

Geting intach wetem pikininis blo iu an iang pipol’s tisa hem bara impoten tumas. Sapos iu no herem eniting from oloketa, iu save kontaktim oloketa lo skul sapos skul holides hem ova an skul tem hem stat moa.

Planim hao nao iu save iusim spes lo hom blo iu fo helpem pikininis blo iu fo len. Sapos iu garem inaf spes, iang pipol bae nidim kuaet ples fo duim stadi blo oloketa. Iang wans bae ota save waka tugeda lo lening blo oloketa an len lo duim oloketa chos an aktivitis evride.

Planim hao fo lane lo hom

Ples blo iu hem olredi ples fo leningia. Lening hem hapen evride an folom nao sem tings wea iu duim. Tingim nomoa dat lening hem fan an hem no nidim fo strik tumas o fo sirias evritaem.

Tingim nomoa dat hem impoten tumas fo tok wetem pikininis blo iulo langus iu fil olsem hem kamfotebol lo iu fo iusim. Sapos hom langus blo iu hem langus difrenlo Inglis, iusim dat fala langus.

Samfala samting wea iu bae laek fo ting abaotim an duim olsem list lo andanit:

  • Havem regiula de an a plan bae hem save helpem evriwan. Planim hao nao bae de blo iu hem luk laek. Spendem samfala taem wetem pikininis blo iu an iang pipol an disaedim wat nao fo waka lo hem evriwan, an wat nao bae ota duim evriwan, widaotim sapot blo iu, o ota waka seleva. Diswan bae hem helpem evriwan fo stap stret.
  • Lening hem save hapen nomoa lo enitaem wea hem waka fo famili blo iu, dipend nao lo wat nao nid fo hapen.
  • Inkludim breks sapos iu save duim, go lo aotsaed fo tekem fres ea an duim samfala fisikol aktiviti.
  • Samfala samting wea iu save duim fo sapotim pikinini blo iu evri de:
    • Ridim (o lisin lo) stori No wari sapos pikinini blo iu hem no save ridim evri wods. Sapos ota stak lo wanfala wod- weit. Den, askem ota fo trae fo mekem saon nao lo wod ia, den preisim ota fo trae best blo ota an fo kontiniu lo riding.
    • Raetim samting. Hem kan bi a leta, a stori, tru stori blo samfala samting wea pikinini blo iu hem intres lo hem, plei, nius ripot – eniting wea pikinini hem intres lo hem. Ota tingting bihaenim raeting ia hem barava impoten samting tumas.
    • Solvim problem, o – kam ap wetem samfala triki problem tugeda an getem samwan els fo trae fo faedem ansa.
    • Duim samting aktiv.
    • Searem samting wetem oloketa wea iu save intres lo hem, an faendem aot moa abaotim wat nao ota intres lo hem.
    • Inkludim pikinini blo iu lo wat nao iu duim lo hom, olsem kuking, wasing an klining.
    • Tekem taem fo rest an plei.
  • Kolem eli lening sevises blo iu o skul fo lukim sapos ota pripearem finis eniting fo helpeim iu lo sapot lening lo hom – oloketa bae inkludim tips, aedias, aktivitis an hao fo aksesim risoses.
  • Chekim tisa blo pikinini blo iu wat nao best wei wea bae fo iutu fala fo stap in tach taem pikinini blo iu hem len lo hom.
  • Tekem taem blo iu fo tok abaotim lening ia evri wik. Diswan hem olsem lo kaoch o eniwea wea hem wok fo iufala evriwan.

Risoses fo hom lening

Lo dea samfala risoses hem stap onlaen wea bae hem help wetem riding an raeting an matmatiks an saens. Ota risoses ia anda lo hedings lo eli ias, an skul ias 1 – 4, 5 – 8 an ias 9 – 13.

Eli lening

Ias 1- 4

Ias 5 – 8

Ias 9 – 13

Sinia sekondri stiudens

Iu save faendem iusful infomeisen iang peson blo iu abaot lening lo foloing websaets:

  • Infomeisen an help wetem NCEA lo StudyIt websaet, inkludim samfala tips an triks fo NCEA stiudens.
  • Skul livas’ Tulkit fo Stiudens websaet hem help fo divelopim nao praktikol skils.
  • Disfala NZQA websaet bae hem provaed kasem tu deit wetem infomeisen abaot wat nao hem hapen wetem NCEA.

Treds akedemis o Geitwe (Gateway)

Get intach wetem skul blo iu an ask fo tok go wetem Treds Akedemi koodineta o Geitwe koodineta. Oloketa save helpwetem moa lening opsons lo hom. Sapos iu o iang peson blo iu hem laek fo get intach wetem Treds Akedemi iu save faendem diteils blo oloketa lo Geitwe websaet.

Iu save faendem tu lo edukeison provaeda onlaen lo Faed a provaeda – Iut Guarati websaet.

Oltanetiv Edukeison o Aktiviti Senta

Plis get intach wetem skul blo iu fo faedem aot moa abaotim lening lo hom.

Wellbeing

Helt, sefti an welbing blo pikinini blo iu, iang pipol an ful famili blo iu nao hem impotent tumas lo iumi evriwan.

Stap helti

Kip sef hem inkludim wasim-hans staka taem. Rimaedim pikininis an iang pipol blo iu ( an evriwan els) fo wasim hans blo oloketa bifo kaikai, taem pripearem fud, afta snizing an kofing, afta chenjim bebi an afta iusim toelet. Talem ota fo singing hapi befde aot laod tu taems., taem ota wasim hans blo oloketa. Dat wei bae iu save dat ota rimembarem.

Taem pipol kof o sniz ota nid fo iusim tisiu o toelet pepa fo kavarem nous an maot. Den torowem pepa lo bin. Diswan bae hem help fo stopem pasing kof o kold go lo narawan.

Filing seif

Kip seif olsem wanfala famili hem barava gud. Taem iu an samfala big wans save kam daon, oloketa pikinini an iang wans blo iu bae save fil kam, tu.

Bae iu save lukim samfala chalenjes:

Sapos iu nidim help lo saed lo selen fo kaikai an bills, iu save faend aot moa lo: https://covid19.govt.nz/individuals-and-households/financial-support/#help-with-money o save kolem 0800 559 009

Sapos iu nidim help lo saed lo haosing, iu save faendem aot moa bae iu kolem Ministri blo Bisnis, Inoveison an Emploemen lo: 0508 754 163

Sapos waka blo iu hem isenchol an iu nidim help wetem Chaeldkea iu save faendem aot moa lo: https://education.govt.nz/covid-19/home-based-care-options-for-children-aged-0-14-of-essential-workers

Sapos iu nid fo faend aot moa abaotim benefits blo iu, infomeisen hem stap lo: 0800559009

Sapos iu an famili memba blo iu garem simtops blo COVID-19 kolem GP blo iu fastaem, o HEALTHLINE lo 0800 358 5453

Sapos iu no save hu nao fo kolem fo help wetem samting, kolem fri gavman helplaen lo 0800 779 997. Diswan hem save open from 8am kasem 1am 7 des lo wik

Sapos iu wari dat pikini o iang wan blo iu hem lo risk, kolem Oranga Tamariki lo 0508326459 24 aoas lo de, 7 des a wik.

Getem help fo kop

Disfala taem hem taem blo stres fo evriwan. Filing konsen an wari hem nomol.

Insaed lo komiuniti blo iu, pearens an familis garem impotent waka tumas fo duim

  • Kipim pikininis an famili blo iu seif hem nao namba wan samting
  • Taem iu an samfala big wans lo ‘aesoleison’ akt kamli, ota pikinini blo iu bae fil moa kam an les wari
  • Sea wetem famili an komiuniti – gud aedias blo iu, infomeisen wea iu garem abaot wea fo getem sapot, an samfala samting wea iu save help wetem (lo telefon, onlaen sapos iu save duim). Iu no fil fraet fo tok wetem famili blo iu sapos iu filim olsem iu stak lo home
  • Stap in tach – sapos iu save telefon, text o i-mel, kontaktim pipol wea ota no insaed lo aesoleison blo iu, fo helpem ota fil beta lo taems olsem
  • Sapos iu pat blo Talanoa Ako Hub, stap in tach wetem oloketa an searem hao nao tings hem go. Program ia hem ofarem sapot fo iu an famili blo iu, an sapot lo saed lo lening
  • Helpem pikininis an iang pipol fo lukim dat diswan bae hem no stap olowe – hope hem lo dea, an iumi evriwan duim nao raet samting fo duim

Sapos iu o famili blo iu wari tumas o apset, an iu ting ota nidim moa sapot, iu save kolem: https://www.health.govt.nz/our-work/diseases-and-conditions/covid-19-novel-coronavirus/covid-19-novel-coronavirus-health-advice-general-public/covid-19-wellbeing-alert-level-4 o https://www.mentalhealth.org.nz/get-help/covid-19/ an faed aot wea nao fo getem help. Iu save kolem:

Helplaens

  • 1737 – Fri kol o text 1737 enitaem fo sapot from a tren kaonsela.
  • Lifeline – 0800 543 354 or free text 4357 (HELP)
  • Youthline – 0800 376 633 or free text 234
  • Samaritans – 0800 726 666

Iumi evriwan stap nao lo stresful taem. Samtaems taem pipol hem stres ota save koros. Ota save bihev lo kaen wei wea hem fraetning o hetful lo samfala lo famili. Help hem stap, go lo facebook @LeVaPasifika for risoses an tuls o iu save faendem moa sapot an pipol fo spik wetem ota
https://https://www.mentalhealth.org.nz/get-help/covid-19/

Iu save kolem tu eni fon nambas lo antap fo advaes an help.

Rimembam nomoa dat sapos iu fil wel an fil ok, diswan bae hem helpem ful famili blo iu. Sapos iu save tekem samfala taem fo:

  • Rest
    • Go fo wakabaot o duim samfala eksasaes lo buble blo iu, hem dipend nomoa lo wea nao iu stap. TV programs tu lo dea evri de from Les Mills soum samfala eksasaes
  • Tekem taem aot – diswan mei bi jas go insaed lo rum an satem doa o go aot fo wakabaot – diswan bae hem help fo fil kam
  • Rid an wachim samting dat iu intres lo hem
  • Limitim taem blo iu wea iu save luk lo COVID nius bikos diswan hem save mekem iu an famili blo iu fo fil stres
  • Chekim pikininis an iang pipol blo iu – ota save isi tumas fo bae ota save jok, an dans an gems dat bae hem save chiarem iu ap

Pikininis an iang pipol lening lo hom

Taem blo holides evride tings wea iu save duim wetem pikinis blo iu, an tings wea ota duim evriwan ol help fo sapotim nao lening blo oloketa. Iu no nid fo tisa.

  • Dipen lo wea nao iu stap, planim nao seif wei fo aotsaed an stap insaed lo babol blo iu
  • Taem aotsaed, duim eksasaes an tekem fres ea hem barava helpem pikininis an iang pipol blo iufo iusim ap enaji an fo rilax

An taem niu skul tem stats, pikininis blo iu an tisas blo ota lo skul bae ota garem plans stap finis fo sapotim nao pikininis lening. Bae iu no tisa blo ota moa. Bae iu save mek sua noma dat ota gohet fo len, nomata ota no go skul.

Ministri blo Edukeison hem mekem niu risoses fo sapotim iu:

  • Praktikol Aktivitis – tip sits, konvaseison statas, lening matirols
  • Webing gaedens – dil wetem chalenjing konvaseisons, wea nao fo go fo helpline
  • Risoses fo pearens an wantoks – biulding patnasips abaot lening

As sun as ota matirols ia hem redi bae iu save ebol fo faendem ota lo:

Wellbeing

Fo sekondri stiudens, tisa an skul lidas blo ota bae in kontakt wetem iu an oloketa abaotim next steps.