Sorry, you need to enable JavaScript to visit this website.
Skip to main content

Gagana Samoa

Subtitle
Samoa

Amata tapena

Fesootai ma tausisi i aoaoga

E ono moomia i auaunaga mo aoga amata ma aoga ona faatino ni faiga ese e foia ai le pepesi o le COVID-19 i masina o loma nei. O le sini autu o le upega tafailagi lenei ia lagolagoina matua, aiga ma aoga ina ia mafai e tamaiti ma tupulaga talavou ona faaauau pea aoaoga mai le fale.

O le nofo sauni e mafai ai e tagata uma ona fesootai ma faaauau pea aoaoga.

O le a saunia e auaunaga mo aoga amata ma aoga fuafuaga e faaauau ai aoaoga a lau tama mai le fale. Afai o iai ni au fesili e uiga i aoaoga a lau tama, faamolemole faafesootai muamua le faiaoga a lau tama.

E mafai foi ona e faafesootaia le ofisa faaitumalo a le Matagaluega o Aoga o loo lata ane.

Ofisa a le Matagaluega i itumalo lata ane

Amata tapena mo aoaoga e fai mai le fale

Fautuaga mo matua ma aiga

Amata tapena mo aoaoga e fai mai le fale - fautuaga mo matua ma aiga

O se tulaga e ono faapopoleina ai oe ma lou aiga pe a faia aoaoga mai le fale. Talanoa i tamaiti ma tupulaga talavou e uiga i lea tulaga mo i latou ma fesootai pea ma le faiaoga a lau tama ma le aoga, taula'i fuafuaga uma i le tamaitiiti, ma taumafai e aua e te popole. O le a saunia e le faiaoga a lau tama se fuafuaga mo aoaoga e fai i le fale - e lē o iai se manatu o le a e suia le faiaoga.

E fesoasoani faamatalaga nei i au tapenaga o loo fai mo lau tama e aoga ai mai le fale. E fesoasoani lea e mafai ai ona e fesootai pea ma lou aiga, faaauau ai pea aoaoga, ma maua le fiafia.

Ia faamautinoa o loo faamau lelei numera o fesootaiga tāua, e pei o le auaunaga mo aoga amata o loo aoga ai lau tama, aoga o lata ane, ma siaki poo sa'o le numera o le telefoni e faafesootai atu ai oe e le faiaoga.

Afai o iai ni ou atugaluga pe moomia se taiala poo se fesoasoani, faamolemole faitau faamatalaga o loo i le vaega o le Soifua Manuia pe vili le Citizen’s Advice Bureau ma le Work and Income o lata ane.

Upega tafailagi a le Citizen’s Advice Bureau

Upega tafailagi a le Work and Income

A'o e tapena mo lau tama e aoga mai le fale:

  • talanoa i lau tama, faalogo i o latou manatu e uiga i faiga o loo manao e aoao ai ma taumafai e faaitiitia le popole e tusa ai ma lea tulaga
  • mālilie faatasi aiga ma uo i le vaevaega o tiute ma galuega faatino
  • ia aofia i tapenaga se tasi e sili atu ona lamatia gofie
  • o ai o le a faigaluega?
  • o ai o le a nofo i le fale ma tamaiti ma fesoasoani ia latou meaaoga?
  • o ai nisi e mafai ona fesoasoani e faamāmā lau avega?

Amata tapena mo aoaoga e faaaogā ai le initaneti

O loo faatino e le Matagaluega o Aoga auala e faamautinoa ai o loo mafai e le toatele o aiga ona fesootai i le initaneti ma o loo iai masini e mafai ona faaaogā. Matou te uunaia lou talanoa i le aoga amata poo le aoga e faailoa i ai:

  • pe o iai se masini i le fale mo aoaoga e faaaogā ai le initaneti
  • poo iai se auala e maua ai initaneti ma se faiga e maua ai data e mafai ai ona e kopiina meaaoga ma puna'oa e faaaogā
  • poo ā auala e fesootai atu ai i le initaneti a le aoga amata poo le aoga
  • pe faafefea ona faaaogā polokalame o le a faaaogā e le faiaoga a lau tama ma lau fanau.

Afai o iai se komepiuta poo se masini e mafai e lau tama ona faaaogā, o nisi nei o auala e faamautinoa ai o loo sa'o le faiga o loo faapolokalameina ai mo ana aoaoga.

  • Talanoa i lau tama i tulaga tau saogalemu pe a faaaogā le initaneti. Afai e te moomia nisi faamatalaga, e mafai ona e faafesootai le Netsafe i le 0508 638 723 pe tagai i le Netsafe website.
  • Fai i lau tama poo se talavou e fai meaaoga i se nofoaga e mafai ai ona e siaki mea o loo faaaogā ma matamata ai i le initaneti.
  • Taumafai e alofia le malosi o le molī o le masini o loo faaaogā.

Afai e te lē o mautinoa i lea tulaga, faamolemole talanoa i le aoga poo le aoga amata. E mafai foi ona e fesili i se tasi o lou aiga, tuaoi poo sau uo mo se fesoasoani.

Afai e te iloa isi matua poo aiga o loo feagai ma lea tulaga, faamolemole uunaia i latou e talanoa i le aoga amata poo le aoga.

Fesoasoani mo aoaoga

Faamatalaga mo matua ma aiga

Aoga mai le fale

E aoaoina mea i le aso atoa, i le aiga ma fafo atu foi o le aiga. O mea uma e te faia i le fale o se avanoa lea e te aoaoina ai isi mea. E aoaoina mea i le tele o gagana. Afai o le gagana e te tautala ai i le fale e ese mai i le Gagana Peretania, faaaogā le gagana lena mo au fesootaiga ma lau tama.

A mae'a tuuaga o aoga e mafai ona e fesoasoani i le aoga a lau fanau poo le aoga amata e lagolagoina ai le faaauauina pea o a latou aoaoga. Aua ne'i e manatu o oe o le faiaoga. O oe o se tasi e tāua tele lau fesoasoani.

E faafesootai atu oe e le faiaoga a lau fanau. E fesootai atu pea oe tusa lava pe afai e lē o iai se initaneti i le fale. O loo faatino e faiaoga uma auala e faamautinoa ai o loo maua e tamaiti aoga uma se fuafuaga mo aoaoga e faia i le fale. Aua e te popole fua i au taumafaiga e peiseai o oe o le faiaoga. Ma e mafai ona e faaaogā le gagana o loo tautatala ai i le fale mo meafai sa saunia e le faiaoga ma e mafai ona faamae'a meafai i le Gagana Peretania.

E tāua le fai ma fesootai i le faiaoga a lau fanau. Afai e lē i toe maua se fesootaiga mai faiaoga, e mafai ona e faafesootai i ai i le aoga pe a uma tuuaga o aoga ma le amataga o le kuata fou.

Tapena auala mo le faaaogāina o se potu o avanoa i le fale e fesoasoani ai i aoaoga a tamaiti. Afai e telē le avanoa o le fale, e ono moomia e tupulaga talavou se potu e leai se pisa e fai ai a latou meaaoga. E ono mafai ona fai faatasi meaaoga a fanau laiti ma iloa foi aoao isi mea i feau ma meafai e fai i le fale.

Tapena mo aoaoga e fai i le fale.

O le fale o le nofoaga muamua lava lea mo aoaoga. E aoaoina mea i aso uma i mea e masani ona fai. Manatua e mafai ona faamālie aoaoga ma e lē moomia ona tausisi i tulafono i le tele o taimi.

Manatua e tāua lou talanoa i lau fanau i le gagana e faigofie ia te oe ona e fesootai ai. Afai o le gagana e te tautala ai i le fale e ese mai i le Gagana Peretania, faaaogā le gagana lena.

O nisi nei o mea e te mafaufau i ai ma faatino o loo ta'ua i lalo:

  • Fai mea masani i aso taitasi ma fai se fuafuaga mo tagata uma. Tapena mo mea e fai i le aso. Faaavanoa le taimi tou te talanoa ai ma tamaiti ma tupulaga e filifili ai mea e mafai ona fai faatasi, o mea latou te faia faatasi, e lē moomia ai lau fesoasoani, poo le faia lava e i latou e aunoa ma lau fesoasoani. E fesoasoani lea i tagata uma e gaua'i ai i mea o loo faatino.
  • E mafai ona aoaoina mea i le taimi e fetaui ma lou aiga, ma e fuafua i isi mea e tatau ona faatino muamua.
  • Aofia i tapenaga malōlōga ae a mafai, ona tou o lea i fafo mo sina 'ea manaia ma nai meafai e faagaioi ai le tino.
  • Nisi o mea e mafai ona e faia e fesoasoani ai i lau tama i aso taitasi:
    • Faitau (pe faalogologo) se tala. Aua e te popole pe a lē mafaia e lau tama ona faitau uma upu. A mau ai lava i se upu - faatali. Ona e fesili lea i ai, fai i lau tama e faataitai le faaleoga o upu, ma vivii le manaia o ana taumafaiga ma faaauau le faitauina o le tala.
    • Tusi se mea. O se tusi, se tala, o se tala moni i ni mea e fiafia i ai lau tama, o se tala faatino, se lipoti i talafou - soo se mea e fiafia i ai lau tama. O manatu o loo maua mai i tusitusiga o se vaega pito sili ona tāua lea.
    • Faasoa manatu e foia ai se faafitauli, poo le - faataitai o se faafitauli e faafaigata ona iloa se tali ma tofi se isi na te taumafai ia maua le tali.
    • Fai mea e gaioi ai.
    • Fai faatasi se mea e te fiafia iai, ma ia e iloa isi mea e fiafia ai foi i latou.
    • Faasino i lau tama au mea o fai i le fale, e pei o le kukaina o meaai, tagamea ma le tapenaga o le fale.
    • Fai malōlōga ma taaloga.
  • Vili le aoga amata poo le aoga e te fesili iai poo maua nisi mea e fesoasoani ai ia te oe ma le faatinoga o aoaoga i le fale - e pei o lou talanoa iai i metotia e fai ai aoaoga, manatu, meafai ma auala e maua ai puna'oa.
  • Siaki i le faiaoga a lau tama poo le ā se auala e sili ona lelei e mafai ai ona oulua fesootai pea a'o faia aoaoga a lau tama mai le fale.
  • Faaavanoa se taimi e talanoa ai e uiga i aoaoga i vaiaso taitasi. E mafai ona oulua feiloai i le fale poo se isi nofoaga e fetaui mo oulua uma.

Puna'oa mo aoaoga i le fale

O loo maua nai puna'oa i le initaneti e mafai ona fesoasoani i le faitautusi ma le tusitusi, matematika ma le saienisi. O loo faatulaga puna'oa nei i tausaga mo aoga amata, ma tausaga i aoga 1 – 4, 5 – 8 ma tausaga 9 – 13.

Tamaiti aoga kolisi

E mafai ona e maua faamatalaga aogā mo tupulaga talavou mo a latou aoaoga i upega tafailagi nei:

  • Faamatalaga ma fesoasoani mo le NCEA i leupega tafailagi a le StudyIt, e aofia ai metotia ma faiga faatogafiti mo tamaiti aoga o loo faia le NCEA.
  • O loo maua i le upega tafailagi School Leavers' Toolkit for Students fesoasoani e atia'e ai agavaa mai meafai o loo faataitai ai.
  • O le a maua i le upega tafailagi a le NZQA faamatalaga lata mai i tulaga ua oo i ai le NCEA.

Trades Academies poo le Gateway

Faafesootai le aoga ma talosaga i ai e te fia talanoa i se sooupu mo le Trades Academy poo le Gateway. E fesoasoani lea e maua mai ai nisi auala e faatino ai aoaoga i le fale. Afai o e manao poo manao foi se tasi o tupulaga e faafesootai le Trades Academy e mafai ona maua faamatalaga e faafesootai sa'o ai i le upega tafailagi a le Gateway.

E mafai foi ona maua se auaunaga mo aoaoga i le initaneti i le Find a provider - i le upega tafailagi a le Youth Guarantee.

Alternative Education poo Activity Centres

Faamolemole faafesootai le aoga e te malamalama atili ai i aoaoga e fai i le fale.

Soifua Manuia

E tāua tele ia i matou le soifua maloloina, saogalemu ma le soifua manuia o lau fanau, tupulaga talavou ma le aiga atoa.

Faatumauina o le maloloina lelei

O le maua o le saogalemu e aofia ai le fufulu o lima i taimi uma. Faamanatu i lau fanau ma tupulaga talavou (ma isi tagata uma) e fufulu lima a'o le i aai, pe a kuka meaai, pe a uma ona mafatua ma tale, pe a uma ona sui pepe ma le uma ai ona faaaogā le falelētaua. Fai i ai e usu faalua le pese manuia lou aso fanau, a'o fufulu lima. E te iloa ai o loo manatua e lau fanau le mea e tatau ona fai.

E tatau i tagata ona faaaogā se tissue poo se pepa e faaaogā i falelētaua e pupuni ai le isu ma le gutu pe a tale pe mafatua. Ona tia'i lea o le pepa i se lapisi. E fesoasoani e taofia ai le pesia o isi i lou tale poo le fulū.

Lagonaina o le saogalemu

E tāua i aiga le maua o le saogalemu A mafai e oe ma isi tagata matutua ona iloa ona maua le to'afilemu, o le a faapena foi ona lagona e fanau laiti ma tupulaga talavou le to'afilemu.

O le a iai nisi o lu'itau e feagai ma outou:

Afai e te moomia se fesoasoani tau tupe mo meaai ma pili, e mafai ona maua nisi faamatalaga i le:

https://covid19.govt.nz/individuals-and-households/financial-support/#help-with-money pe vili i le 0800 559 009

Afai e te moomia se fesoasoani tau fale, e mafai ona maua nisi faamatalaga pe a e vili le Ministry of Business, Innovation and Employment i le: 0508 754 163

Afai e te faigaluega i se auaunaga sili ona moomia ma e te moomia se fesoasoani mo tamaiti e mafai ona maua nisi faamatalaga i le:

Afai e te moomia se fesoasoani tau tupe mo meaai ma pili, e mafai ona maua nisi faamatalaga i le: Home-based care options for children aged 0-14 of essential workers - Education website

Afai e te moomia nisi faamatalaga e uiga i lau penefiti, o loo maua faamatalaga i le: 0800559009

Afai ua maua oe poo se tasi o lou aiga i āuga o le COVID-19 vili muamua lau GP, poo le HEALTHLINE i le 0800 358 5453

Afai e te lē o mautinoa poo ai tonu e faafesootai mo se fesoasoani, vili le telefoni vili fua mo fesoasoani mai le malo i le 0800 779 997. E avanoa le auaunaga lea mai le 8am i le 1am mo le 7 aso i le vaiaso

Afai o e popole i se tulaga e ono lamatia ai se tamaitiiti poo se tagata talavou, vili le Oranga Tamariki i le 0508 326 459 24 itula i le aso, mo le 7 aso o le vaiaso.

Saili fesoasoani e gafatia ai se mea

O se taimi faigata lenei mo tagata uma. E lē o se mea fou faalogona lē mautonu ma le popole.

I soo se afioaga lava, e tāua tele galuega o loo fai e matua ma aiga.

  • O le tausia o le saogalemu o lau fanau ma lou aiga o le mea pito sili lea ona tāua
  • A to'afilemu oe ma isi tagata matutua i totonu o lou 'aiga', o le a faapena foi ona lagonaina e tamaiti le to'afilemu ma lē soona popolevale ai
  • Faasoa i lou aiga ma isi - ou manatu lelei, faamatalaga ua e iloa i mea e maua ai fesoasoani, mea e mafai ona e fesoasoani atu ai i isi (i le telefoni, poo le initaneti pe a mafai). Aua e te palaai e te talanoa i lou aiga pe afai ua e lagona ua peiseai ua e saisaitia i le fale
  • Fesootai pea - afai e mafai ona e telefoni, text pe imeli, faafesootai tagata tou te lē o nonofo faatasi, e te faamalosi i ai a'o feagai ma lenei taimi faigata.
  • Afai o oe o se sui a le Talanoa Ako Hub, ia fesootai pea i ai ma faasoa i ai tulaga o loo feagai ma oe. E maua ai polokalame fesoasoani mo oe ma lou aiga, ma fesoasoani mo aoaoga
  • Fesoasonai ma faamanatu i tamaiti ma tupulaga talavou e lē faavavau ai ona faapenei le tulaga o mea - o loo iai se mea lelei i ona tua atu, ma o loo tatou faia le mea sa'o ma tatau ai

Afai o e popole pe e te lē o fiafia poo se tasi foi o lou aiga o loo maua i lea tulaga, ma e te manatu o loo latou moomia nisi fesoasoani, e mafai ona e faafesootai mo se fesoasoani i le:https://www.health.govt.nz/our-work/diseases-and-conditions/covid-19-novel-coronavirus/covid-19-novel-coronavirus-health-advice-general-public/covid-19-wellbeing-alert-level-4poo le https://www.mentalhealth.org.nz/get-help/covid-19/e te iloa ai le vaega tonu e maua ai se fesoasoani. E mafai foi ona e vili:

Helplines

  • 1737 – Vili fua pe text i le 1737 i soo se taimi mo se fesoasoani mai se faufautua faatuatuaina.
  • Lifeline – 0800 543 354 pe text le numera text fua i le 4357 (HELP)
  • Youthline – 0800 376 633 pe text le numera text fua i le 234
  • Samaritans – 0800 726 666

O loo feagai i tatou uma ma se taimi faigata tele. O nisi o taimi e faatupu ita i tagata tulaga faigata o loo mafatia ai. Latou te ono faia ai ni uiga e faaosofia ai le fefe pe faatigā ai i isi o le aiga. O loo maua le fesoasoani, tagai i le facebook @LeVaPasifika mo puna'oa ma metotia, poo lou saili o nisi fesoasoani ma tagata e te talanoa i ai i lehttps://https://www.mentalhealth.org.nz/get-help/covid-19/

E mafai foi ona e vili soo se numera o loo ta'ua i luga mo se fautuaga ma fesoasoani.

Manatua o lou iai i se tulaga malosi ma lelei, o se fesoasoani aogā lea mo tagata uma o lou aiga. A mafai ai, faaavanoa se taimi mo:

  • Malōlōga
    • Alu se tou savaliga pe fai se tou faamalositino i totonu lava o le tou fale, e fuafua lava i le nofoaga o loo outou nonofo ai. O loo iai polokalame i le TV mo aso taitasi mai le Les Mills o loo faaali ai faamalositino e fai
  • Fai se malōlōga - fai sau taimi paganoa na o oe i totonu o se potu pe alu sau savaliga - e fesoasoani e maua ai lou to'afilemu
  • Faitau pe matamata se mea e te fiafia i ai
  • Faatapulaa le taimi e te matamata ma faitau ai i talafou i le COVID auā e mafai ona faatupu popole ia te oe ma lou aiga
  • Talanoa i tamaiti ma tupulaga talavou - e sili atu ona malolosi ma e lē umi ona afaina i se mea ma e tele a latou tala mālie, siva ma taaloga e faafiafiaina ai oe

Tamaiti ma tupulaga talavou o loo aoaoina i le fale

A'o faagasolo tuuaga o aoga, o meafai e te faia faatasi ma lau fanau, ma meafai latou te faia faatasi e fesoasoani lea i mea latou te aoaoina. Aua ne'i e manatu o oe o le faiaoga.

  • Tapena se auala saogalemu e mafai ai ona outou o ese ai i fafo ma le fale ma lou aiga, ae fuafua lava i le nofoaga o loo outou nonofo ai
  • A'o iai i fafo ma le fale, fai ni faamalositino ma mānava le 'ea malū e aogā i tamaiti ma tupulaga talavou e faaaogā ai le malosi ma malōlō ai

E oo i le taimi e amata ai le kuata fou, ua lava tapena le aoga a lau fanau ma a latou faiaoga i auala e maua ai le lagolagosua mo aoaoga a lau fanau. Aua e te manatu o le a e suitulaga i lo latou faiaoga. Ia e taumafai e faamautinoa o loo maua pea a latou aoaoga, e tusa lava pe a lē o auai i le aoga.

O loo saunia e le Matagaluega o Aoga puna'oa e fesoasoani ia te oe:

  • Meafai e aogā - faamatalaga i metotia, faataitaiga e tau amata ai se faatalanoaga, mea e faaaogā mo aoaoga
  • Taiala mo le soifua manuia - faavasegana o talanoaga e lu'i ai le mafaufau, nofoaga e maua ai le fesoasoani
  • Puna'oa mo matua ma aiga - atia'e le galulue faapaaga mo aoaoga

E mafai ona e maua puna'oa i le taimi lava ua mae'a saunia ai i le:

Wellbeing

O le a faafesootai atu oe e faiaoga ma taitai o aoga a lau fanau o loo aooga i kolisi i isi laasaga o le a sosoo ai.